ഗാനം: വൈശാഖ സന്ധ്യേ
ചിത്രം: നാടോടിക്കാറ്റ്
സംഗീതം: ശ്യാം
പാടിയത്: കേ ജെ യേശുദാസ്‌
വൈശാഖ സന്ധ്യേ, നിന്‍ ചുണ്ടിലെന്തേ,
മദന വദന കിരണ കാന്തിയോ?
മോഹമേ, പറയു നീ..
വിണ്ണില്‍ നിന്നും പാറി വന്ന ലാവണ്യമേ!
വൈശാഖ സന്ധ്യേ ....
ഒരു യുഗം ഞാന്‍ തപസ്സിരുന്നു, ഒന്ന് കാണുവാന്‍,
കഴിഞ്ഞ കാലം, കൊഴിഞ്ഞ സുമം പൂത്തു വിടര്‍ന്നു! (2)
മൂകമാമെന്‍ മനസ്സില്‍ ഗാനമായ് നീയുണര്‍ന്നു! (2)
ഹൃദയ മൃദുല തന്ത്രിയെന്തി ദേവാമൃതം!
വൈശാഖ സന്ധ്യേ ....
മലരിതളില്‍ മണിശലഭം വീണുമയങ്ങി,
രതിനദിയില്‍ ജലതരംഗം, നീളെ മുഴങ്ങി (2)
നീറുമെന്‍ പ്രാണനില്‍ നീ ആശതന്‍ തേനൊഴുക്കി (2)
പുളക മുകുളമേന്തി രാഗ വൃന്ദാവനം!
വൈശാഖ സന്ധ്യേ ....
Subscribe to:
Post Comments (Atom)
No comments:
Post a Comment